عشان نكون واضحين، في كل موضوع راح اتكلم عنه بعطي الحقايق والزبدة بالبداية عشان ما اطول عليك، واذا تبي زود كمل اقراء، اتفقنا؟

السعرات نقدر نشبهها بالبنزين، جسمك عايش على السعرات وبدونها راح ينهار
اذا ما اكلت راح يبدا يفكك الدهون بجسمك ويحاول يطلع منها سعرات عشان يقدر يخليك تتحرك وقلبك يبقى ينبض وعقلك يشتغل.. ومهما كنت سمين مابتطول كثير بدون اكل، صحيح بتكون في حالة افضل من الهزيل، لكن لسى تحتاج مصدر خارجي تتغذى منه

لازم تعرف ان السعرة هي السعرة مهما كان مصدرها، البنزين هو بنزين مايفرق عبيته من محطة الدريس ولا سهل، يعني عشر سعرات من الجح هي نفس عشر سعرات من اللحم.. الاختلاف الوحيد في القيمة الغذائية.. تقدر تقول ان القيمة الغذائية هي نوع البنزين واحد وتسعين ولا خمسة وتسعين